Jahresbericht 2017
6. Januar: Neujahrshöck
America great again! Unter diesem Motte ladet das Es- Register zum diesjährigen Neujahrshöck ein. Im Foyer der Merzweckhalle Oberbalm, gibt es Hamburger, Donats und Cupcakes. Da der 6. Januar ist, gibt es für einen Glückspilz, statt dem Königstitel den ehrenvollen Titel, vom neue amerikanische Präsident bekommen.
8. Januar: Ständli Albrecht Gilgen
Im Restaurant Bären in Oberbalm spielen wir unserem Passivmittgild Gilgen Albrecht zum 95. Geburtstag. Im Bären ds Oberbalm spile mir üsem Passivmitglid Gilgen Albrecht zum 95. Geburtstag. D Gescht fröie sech ab üsere musikalische Ungerhautig u mir fröie nis abem Apero womer spändiert überchöme.
20. Januar: Schwingfestinfo
D Mitglieder vo de Tregervereine versammle sech im Schueuhuss u wärde über e finanziell Usgang vom letscht jährige Schwingfescht informiert. Mir chü stouz si uf ds glungnige Fescht, o dr Erlös macht sech guet uf üsem Konto. Merci a där Steu nomau aune freiwilige vom OK.
27. Januar: Houptversammlig
Üsi disjährigi Houptversammlig findet ds Borisried ir Witschaft statt, dr Vorstang isch chli närvös vor däm hütige Abe, wüu bis 20min vor Beginn isch no nid klar wär ds Amt vom Präsidänt söu übernäh. Zum Glück springt dr Roman no über si Schatte u üsi witeri Vereinsfüehrig isch o i Zuekunft i guete Häng.
26. Februar: Ständli Margrith Rolli
Im Autersheim Riggishof spile mit dr Margith Rolli u ihrne Gescht zum 85. Geburtstag.
11./12. März: Skiweekend
Pischte technisch verpasst me das Jahr nid viu wem e sech me em Gaschtgwärb zuewändet, durm nütze üser männleche Vorstandsmitglider d Zyt u mache im Schiigebiet Saanemöser flissig Wärbig für üses kommende Konzärt u Theater. Obs viu bringt, sei dahingestellt. Damit mr nächsts Jahr o grad wider es Dach überem Chopf hei, reserviert dr Dirigänt für üs d Ungerkunft grad es Huus witer ähne. Äs Bad im Hotpot darf natürlech nid fähle u so vergeit o das Jahr wider es glungnigs Wuchenänd uf dr Hornflueh.
17.- 19. März: Konzert u Theater
Mitem Theater „Alles keis Problem“ u emene abwächsligsriche Konzärt locke mir o das Jahr wider veie viu Bseucher uf Oberbaum id Mehrzwäckhaue.
20. Mai: Musiktag Schliern
Mitem Konzärtstück „The new village“ starte mir üse Tag ds Schliern. Bir Marschmusig transportiere mir üse CISM Veteran Hans Schmutz mitemne Velo vorab. Bir Veteraneehrig chöi mr näbstem Hans für 60 Jahr o d Chrige Schmutz u dr Peschä Büehler für 30 Jahr ehrä. Das isch natürlech e Grund, dass mir aui zämä bis töif id Nacht iche fiire. 
13. Mai: Neustart bi Guggisbärgs
2 Jahr nachem verherende Brand ladet üs dr Bidu u sini Familie ih, dr neu üfboutnig Hof cho ds besichtige. Mir wünsche aus Guete fürd Zuekunft u hoffe dass sech aui guet ihläbe.
13. Mai: Marschmusigparade Riggisbärg
Am 150 Jahr Jubiläum vor Musikgesellschaft Riggisberg, dörfe mir bir Marschmusigparade mitwürke u ahschliessend tou mitfiire.
24. Juni: Marschmusikparade Schliern
Chli weinger dankbar isch di diesjährigi Marschmusigparade bim Oberstufezäntrum ds Chüniz. Es het so guet wi kener Gescht wo d Marschmusig chöme cho luege u o grossi Wort het niemer ad Musigkante grichtet u so zöttele scho vo gli di meischte Musikante wieder hei zue.
2. Juli: Schulfest Neuenegg und Oberbalm
Mau chli weniger ds Schwitze heimer das Jahr am Schueufescht, es git sogar ds eine oder angere Rägetröpfli, trotzdäm begleite mir di beide Umzüg mit üsere Marschmusig u gäbe ono es Ständli zum Beschtä.
9. Juli: Predig Rüeggisbärg
Vor üsne Musigferie spile mir no am Regionau-Gottesdienst ds Rüeggisbärg, wo wägem schlächte Wätter ir Chiuche stattfindet.
1. August: Bundesfiier ds Borisried
Tradionellerwiis begleite mir ds Borisried ar Bundesfiir dr Gsang u dr ahschliessend Fackeleumzug mit üsere Musig wo das Jahr d Trachtegruppe dürefüehrt.
11. August: Jubiläumsfiir
Üser diesjährige Jubilare: Hans, Manfred, Walter, Christine, Doris u Peter lade üs bim Fredu daheim zumene Grillplousch ih. O we zersch no chli zrugghautend drfür speter um so meh, erfröie si sech ab de Strüss wo mr aus Dank de Manne u em Schnaps wo mr de Froue übergäh hei.
02. September: Probetag
Für üses kommende Herbstefescht üebe mir e ganze Tag lang ds Baum im Schuehuus u im Bäre. Mir chü geng ä huffe lehre wemer Registerwiis mit externe Dirigänte chü üebe.
16.17. September: Musikreis
O das mau organisiert üs dr Jürg ä glungeni Reis, wo das Jahr vom Basubiet i Jura geit. Mir tüe Swinggoufe, Kutsche fahre, Biomärit bsueche, d Aspahltmiine bestuune, triiche Wyy am Winzerfescht u heis drbi cheibe luschtig, nume für Feschtli wos tou nach früsch gmäitem Gras schmöckt, si üser Baumer irgendwie nid so ds begeistere. Merci viumau Jürg.
23. September: Hochzyt Stefan u Leila
Jeeee mir dörfe widermau ds Hochzit. Dr Stefan Wittwer vor Allmend u sini Leila lade üs ih, vor dr Chiuche ds Spalier ds stah u am Apero es Ständli ds spile. Da hei mir natürlech wäuts fröid. Merci viumau für d Ihladig!
14. 15. Oktober: Herbstfest
Ungerem Motto „Wunschkonzärt“ spiele mir aues Wünsch vo üsne Konzärtbsuecher. Es isch ume mau es super Konzärt womer zämä gstiflet hei, wo zauriichi Bsuecher begeisteret . O dr Sunnti wo näbst de Balmerbmusikante o ds Seechörli Kirchdorf ufträtte erfröit üser Gescht.
10. November: Basar
Das Jahr chöi d Ching am Basar Guetzi verziehre u verschideni Instrumänt usprobiere. Das chunt natürlech guet ah, u o üses Konzärtli am Abe trifft bi de Bsuecher vou ids Schwarze.
11. November: DV BKMV
Wüu ds Casino umboue wird, findet das Jahr d DV vom bärnische Kantonalverband ds Burgdorf statt. Über zäh Mitglieder chöme üser beide Veterene dr Manfred Dietrich u dr Walter Streit wo für 50 Jahr geehrt wärde, cho ungerstützte. Die 2 wärde ahnschliessend mitemne VW Chäfer uf Baum gsschoffiert, wo im Bäre no chli witer gfiiret wird.
25. Dezember: Weihnachtsgottesdienst
Guete Ahsatz bruche mr das Jahr am Wiehnachtsgottesdienst. Mir spile eis Stück nahm angere u erwärme drmit d Härz vo de Prediggänger U obwou ds fasch dr ganz Dezämber gschneit heit, hets am Schluss glich nid ganz für wissi wiehnachte glängt u üse Dirigänt darf witer drvo tröime.